“Çox sağ olun, diqqətiniz üçün minnətdaram. Öz növbəmizdə mərhələni adlayan bütün komandaları və azarkeşlərini təbrik edirik. Oyuna yaxşı hazırlaşmışdıq. Stadion da yaxşı durumda idi. Azarkeşlərimiz bizi tək qoymamışdı. 1000-ə yaxın fanat sona qədər komandanı dəstəklədi. Oyunun bayram ərəfəsinə düşməsi çap işlərində bir az problem yaratdı. Çox az sayda bilet hazırlaya bilmişdik. Bu səbəbdən də satış az oldu. Amma bizim üçün bu əsas deyildi. İnsanlar məcburiyyətdən yox, komandanı sevdikləri üçün oyunu izləməyə gəlir. Oyunumuzdan zövq alırlar. Lazım olanda da bilet alırlar. Deməl, bu şəhərdə futbol sevilir. Şəkinin çoxdan belə bir komandaya ehtiyacı var idi. Növbəti mərhələnin ilk oyununu doğma meydanda keçirəcəyik. Yarımfinala adlamaq istəyirik. İndiki məqamda zəif rəqib olmur. Şansları bərabər sayıram. Kim çox istəyəcəksə, həmin komanda da qalib olacaq. İdman prinsplərinə əməl edənlər qalib gəlsin”.