Həftəsonu Region Liqasında pley-off mərhələsinin cavab görüşləri keçirilib.

"Football-plus.az" xəbər verir ki, şənbə günü azarkeşlər iki qarşılaşmaya şahidlik edib.

İlk oyunda səfərdə “Araz”ı məğlub edən “Qusar” cavab matçında qalib gələ bilməyib. Saatı təmsilçisi Siyəzəndə keçirilən görüşdə daha yaxşı oyun nümayiş etdirərək heç-heçəyə imza atıb. Ancaq iki oyunun nəıticəsinə görə növbəti mərhələyə şimallılar vəsiə qazanıb. Yevlax “Karvan”ı da azarkeşlərini sevindirib. Kənan Kərimovun çalışdırdığı komanda “doğma divarlar” arasında ilk görüşdə yendiyi “Neftçala”nı daha ağır məğlubiyyətə uğradıb.

Bazar günü daha üç oyun keçirilib. Şəmkirdən qələbə ilə dönən “Çinar-Zəngilan” “ASK Arena”da keçirilən cavab görüşündə də sevinən tərəf olub. “Xəzər Lənkəran 42” isə “Ağsu-06” üzərində qələbəyə sevinib. Bu komandalar arasında ilk görüş heç-heçə başa çatdığından lənkəranlılar mərhələ adlayıb. Bu mərhələdə ən maraqlı qarşıdurma “Şirvanovka” – “Füzuli” matçında qeydə alınıb. İlk görüşdə Qusarın kəndini təmsil edən komanda səfərdə 2:1 hesabıyla qalib gəlmişdi. Cavab oyununda 90 dəqiqə qonaqların qələbəsi ilə bitdiyindən qalib penalti seriyasında müəyyənləşib. “Lotereya”da daha dəqiq olan “Füzuli” adını mərhələ adlayan komandaların siyahısına yazdırıb.

“Marxal-Şəki” – “Qobustan” matçı bu həftəsonu keçiriləcək. Şəki təmsilçisinin rəhbərliyindən əldə etdiyimiz məlumata görə, qobustanlıların 8 futbolçusu Ümrə ziyarətinə yollandığından qarşılıqlı razılıq əsasında matçın tarixi dəyişib.

Region Liqası
pley-off, cavab oyunları
15 aprel

Qusar – Araz (Saatlı) 3:3
İlk oyun - 2:0

Karvan (Yevlax) – Neftçala 4:0
İlk oyun - 2:1

16 aprel

Çinar-Zəngilan – Qala-Şəmkir 4:1
İlk oyun - 1:0

Xəzər Lənkəran 42 – Ağsu-06 2:1
İlk oyun - 1:1

Şirvanovka – Füzuli 0:1, p. - 5:6
İlk oyun - 2:1.