Həftəsonu Region Liqasında növbəti turun oyunları keçirilib.

Football-plus.az xəbər verir ki, azarkeşlər maraqlı oyunlar izləyib.

Mərkəz regionu
Mərkəzdə keçirilən hər iki matçda qonaqlar sevinib. Lider “Füzuli” “İsmayıllı” ilə görüşdə favorit statusunu doğruldub. Rayonun eyniadlı komandası hesabına daha 3 xal yazıdrmaqla pley-offa vəsiqəni təmin edib. “Ağsu-06” isə “Ərgünəş”dən üstün olub. “Ağsu Siti” – “Araz” qarşılaşması baş tutmayıb.

Ərgünəş (Füzuli) – Ağsu-06 1:2
İsmayıllı – Füzuli 1:6

1. Füzuli 8 8 0 0 41-7 24
2. Ağsu-06 8 4 2 2 18-19 14
3. Araz 7 4 0 3 14-16 12
4. İsmayıllı 8 2 2 4 11-20 8
5. Ağsu Siti 7 2 0 5 5-14 6
6. Ərgünəş 8 1 0 7 7-20 3
Bombardirlər: Tural Qürbətov (Füzuli) – 12, Məhəmməd Alıyev (Füzuli) – 10, Cəsur Hüseynov (Füzuli) – 7.

Cənub regionu
“Xəzər Lənkəran 42” turdan-tura liderliyini möhkəmləndirir. “Ağ-yaşıllar” hesabat turunda “Zəfər 44”ü iki cavabsız qolla evə əliboş yola salıb. İkinci pillədə qərarlaşan “Qobustan” da azarkeşlərinə qələbə sevinci yaşadıb. Meydan sahibləri “Lerik”i minimal heabla üstələyib. Autsayder “Ərkivan” bu dəfə də azarkeşlərini məyus edib. Masallı komandası bu dəfə öz meydanında “Neftçala”dan zəif olub.

Xəzər Lənkəran 42 – Zəfər 44 (Cəlilabad) 2:0
Qobustan – Lerik 1:0
Ərkivan (Masallı) – Neftçala 1:4

1. Xəzər Lənkəran 42 8 5 2 1 18-7 17
2. Qobustan 8 5 1 2 14-6 16
3. Lerik 8 4 1 3 13-10 13
4. Neftçala 8 3 3 2 11-8 12
5. Zəfər 44 8 2 3 3 13-12 9
6. Ərkivan 8 0 0 8 7-33 0
Bombardirlər: Röyal Nəcəfov (Xəzər Lənkəran 42) – 5, Zaur Nuruzadə (Lerik), Mirəli İsmayılov (Xəzər Lənkəran 42) – 4.

Paytaxt regionu
Regionun A qrupunda Qusar komandaları hegemonluq edir. “Şirvanovka” Bakıda “Bakı Atletik”i darmadağın edibsə, rayonun eyniadlı təmsilçisi “Mübariz”in qapısından 10 cavabsız top keçirib. “Rekord” da turu uğurla başa vurub. Bu qrupda, demək olar ki, pley-offa vəsiqə qazanan komandalar müəyyənləşib. Qarşıdakı turlardaı fors-major hadisə yaşanmasa, “Şirvanovka”, “Qusar” və “Rekord” mübarizəni pley-offda davam etdirəcək.

A qrupu
Bakı Atletik – Şirvanovka 0:9
Rekord – Dirçəliş 2:0
Mübariz – Qusar 0:10
1. Şirvanovka 11 8 2 1 35-3 26
2. Qusar 10 8 1 1 54-5 25
3. Rekord 10 8 0 2 42-4 24
4. Dirçəliş 10 3 2 5 19-18 11
5. Gənclik 10 3 2 5 15-36 11
6. Mübariz 11 2 1 8 27-54 7
7. Bakı Atletik 10 0 0 10 4-76 0
Bombardirlər: Cəfər Şahməmmədov (Mübariz) – 20, Sərxan Ağayev (Qusar) – 19, Rəhim Nağıyev (Rekord) – 12.

B qrupu
Bu qrupda da liderlər həftəni itkisiz başa vurub. Lider “Çinar Zəngilan” Sumqayıtda keçirilən oyunda “Cürət”in daşını daş üstə qoymayıb. “Difai” isə “Cəbrayıl”ı evə əliboş yola salıb. “İrəvan” mövsümdə 6-cı dəfə məğlub olub.

Cürət – Çinar-Zəngilan 1:11
Lokomotiv – İrəvan 5:1
Difai – Cəbrayıl 2:1
1. Çinar-Zəngilan 11 10 0 1 65-11 30
2. Difai 11 9 0 2 55-18 27
3. Cəbrayıl 10 4 2 4 27-21 14
4. İCBFA 10 4 2 4 21-27 14
5. Lokomotiv 9 2 1 6 23-44 7
6. İrəvan 9 2 0 7 14-51 6
7. Cürət 10 1 1 8 22-55 4
Bombardirlər: Eşqin Tağıyev (Difai) – 22, Sergey Markelov (Çinar-Zəngilan) – 20, Elmin Əskərli (Çinar-Zəngilan) – 13.

Şimal-Qərb regionu
Qrupun lideri “Marxal”ın “Ağstafa” ilə səfər görüşü keçirilmədiyindən “Karvan” autsayder “Şəki”ni böyük hesabla məğlub etməklə ilk pilləyə yüksəlib. “Göygöl” isə azarkeşlərinin gözü qarşısında “Qala”nın müqavimətini qıra bilməyib. Matçda 4 vurulmasına baxmayaraq, qalib müəyyənləşməyib. “Gözəyən”in Gəncə səfəri uğurlu alınıb. “Qurutlar” “tankçılar”ı məyus edib.

Göygöl – Qala (Şəmkir) 2:2
VT Gəncə - Göyəzən (Qazax) 1:2
Karvan (Yevlax) – Şəki 8:1
1. Karvan 12 8 3 1 37-8 27
2. Marxal 10 9 0 1 43-6 27
3. Qala 12 6 3 3 33-19 21
4. Göygöl 11 5 3 3 40-15 18
5. Göyəzən 12 4 4 4 30-26 16
6. Ağstafa 10 4 2 4 29-30 14
7. VT Gəncə 12 1 1 10 22-56 4
8. Şəki 11 0 0 11 8-82 0
Bombardirlər: Arzuman Vəliyev (Göyəzən) – 17, Ravil Yusifli (Marxal) – 15, Ceyhun Rəcəbli (Marxal) – 13.

RƏŞAD