Türklər Dzyubaya hansı ləqəbi veribmiş?
“Independent Turkish”dən olan həmkarımız Alpər Budka rusiyalı hücumçu Artyom Dzyubanın “Adana Dəmirspor”a transferi və onun Türkiyədə üzləşdiyi münasibət ilə bağlı maraqlı açıqlama verib: “Dzyubanın transferi “Adana Dəmirspor” üçün əla xəbər kimi qarşılandı. Rusiyalı futbolçunun gəlişi klubun fanatlarını həyəcanlandırdı. Ancaq çox tezliklə ona “hava şarı” deməyə başladılar. Dyuba Türkiyəyə uyğunlaşa bilmədi. O, çox ləng idi, ümumiyyətlə, mərkəz hücumçusu ilə oynamayan Montellanın oyun sisteminə uyğun gəlmirdi”.
“Football-plus.az” xəbər verir ki, 34 yaşlı forvard Adana klubunda 4 oyun keçirib və 1 qol vurub.
Ötən ilin noyabrında qarşılıqla razılıq əsasında müqaviləni pozan Dzyuba bu ilin fevralında azad agent kimi “Lokomotiv”ə keçib.
