Deyəsən Artyom Dzyubanın Türkiyə macərası çox qısa çəkəcək.

Onun ''Adana Dəmirspor''la müqaviləni pozduğu barədə şaiyələr yayılıb. Bu xəbəri öz ''teleqram'' kanalında rusiyalı jurnalist İvan Karpov yayıb. Amma bu xəbər hələ ki, rəsmi olaraq təsdiqini tapmayıb. Rusiya çempionatı tarixinin ən məhsuldar oyunçusu statusunda olan Dzyuba Adana təmsilçisinə avqustun ortalarında azad agent statusunda keçmişdi. 34 yaşlı futbolçu 4-ü superliqada, 1-i kubokda olmaqla 5 rəsmi oyuna çıxmış və 1 qol vurmuşdu. Dzyuba komandasının son 3 superliqa matçında forma geyməmişdi. Onun ''Adana Dəmirspor''la müqaviləsi gələn ilin iyununa qədər nəzərdə tutulmuşdu.