FİFA referisi Əliyar Ağayev UEFA-dan növbəti təyinat alıb.

"Football-plus.az" xəbər verir ki, o, Konfrans Liqasının pley-off mərhələsinin cavab oyunu çərçivəsində keçiriləcək "Rakuv" (Polşa) – "Hayduk" (Xorvatiya) matçını idarə edəcək.

Ağayevə Zeynal Zeynalov və Akif Əmirəli kömək edəcəklər. Dördüncü hakim Kamal Umudlu olacaq. VAR-da Piter Benks (İngiltərə) və İnqilab Məmmədov çalışacaqlar.

"Rakuv" – "Hayduk" görüşü avqustun 27-də keçiriləcək və Bakı vaxtı ilə saat 21.00-da başlayacaq.

Xatırladaq ki, "Rakuv"un heyətində millimizin hücumçusu Mahir Emreli də çıxış edir.