"Mən sağlam həyat tərzi yaşamağın tərfdarıyam. Ona görə siqaret çəkmirəm və bacardıqca bunu ziyanı haqda tez-tez təbliğat aparıram. “Stadiona siqaret çəkmək qadağandı” xəbərdarlığlna baxmayaraq, çoxları buna əməl etmir. Bu azmış kimi, həm çəkməyənləri zəhərləyir, həm də tribunaları, oturacaqları zibilləyirlər. Bir tərəfdən də tum çıtlayanlar oranı pis günə qoyur. Bunu edənlər boş-bekar, heç bir məşğuliyyəti olmayanlardı. Futbol məkanını pis günə qoyanlar evlərində, həyət-bacalarında bunu etməzlər. Axı stadion hamımızındı, niyə onu çirkləndirək? Bundan başqa, stadionu təmizləyən xadimə qadınların işi onsuz da ağırdı. Onların işini niyə daha da çətinləşdirirsiz? Ən azı bunu düşünün ki, oranı təmizləyən qadınlardı. Burdan həmin şəxslərə səslənirəm: stadionu zibilləməyin, ictimai yerdə mədəniyyətinizi nümayiş etdirin, siqaret çəkməyən insanların yanında çəkib onları zəhərləməyin".