Ölkə kubokunun yarımfinal mərhələsinin “Neftçi” – “Sabah” oyununda kobud səhvə yol verən Əliyar Ağayev bu mövsüm ilk dəfə ardıcıl iki turda heç bir oyuna təyinat almayıb. Hətta VAR hakimi kimi də. Belə çıxır ki, AFFA Hakimlər Komitəsi Ağayevə həmin səhvi bağışlamayıb.

Buna qədər bir dəfə də ardıcıl iki turda – 3-4-cü turlarda baş hakim kimi təyinat almayan Əliyar bəy 3-cü turun “Neftçi” – “Sabah”, 4-cü turun “Qarabağ” – “Turan Tovuz” oyununda VAR hakimi kimi çalışmışdı.

Hakimlər Komitəsinin təcrübəli hakimi cəzalandırması gözlənilən idi. Axı qurumun rəhbəri Frank De Blekere də Ağayevin qərarının səhv olduğunu ictimaiyyətə bildirib.

Xatırladaq ki, “Neftçi” – “Sabah oyunun 90-cı dəqiqəsində Yuri Matias cərimə meydançasında Coy-Lens Mikelsə qarşı kobud oynayıb, referi “nöqtə”ni göstərməyi lazım bilməyib.

MÜZƏFFƏR QULUZADƏ