“Əziz dostlar, həmkarlar. Elvin Camalovun PR və media işləri ilə məşğul olduğumuz bir çoxunuza məlumdu. “Sabah” klubu, təəssüf ki, qeyri-ciddiliyi, güc göstərişi və təzyiq yolunu seçdi. Bu məsələdə həmkarlarımız, ictimaiyyət və azarkeşlərin təmkinli olmasını, məsələnin real tərəfləri ilə tanış olandan sonra rəy bildirməyi xahiş edirik. Futbolçumuzun çıxış etdiyi “Neftçi”nin prinsipləri, eyni zamanda Elvin Camalovun peşəkarlığı, karyerası nəzərə alarınaraq mövzu ilə bağlı ictimaiyyətə geniş məlumat veriləcək. Elvinin xarakteri, peşəkarlığı bir çoxunuza məlum olduğundan bu məsələdə ədalətli mövqe tutacağınıza əminəm!”

“Bu məsələ artıq bir neçə gün idi gündəmdəydi. Onun media komandası olaraq, bizimlə də təmasda idi. Bu məsələnin ortaya atıldığı gündən bəri futbolçu soyuqqanlı olmağa və peşəkarlığını qorumağa çalışdı. Berezutskinin açıqlamasından sonra da “Sabah”ın duracağını və bu məsələnin böyüdülməyəcəyini düşünürdük. Əfsuslar olsun ki, belə açıqlama oldu. Bununla bağlı hazırlıqlar gedir. Elvinin özü də azarkeşlərə və ictimaiyyətə açıqlama verəcək. Klubun prinsiplərini və yanaşmalarını da gözləmək şərtdi. Təmaslar iki futbolçunun dostcasına ünsiyyəti şəklində olub. Heç bir təkid və xüsusi ifadələr işlədilməyib. Müqaviləsinin bu yay bitəcəyini düşünərək, ünsiyyət qurub. Bildirib ki, bu barədə nəsə düşünürmü? Məsələ “Sabah” tərəfindən bu cür böyüdülüb. Özlərinin də qeyd etdiyi kimi, bir neçə dəfə ünsiyyətləri olub. Hüquqi tərəfdən də danışıqlarımız olub. AFFA-nın nizamnaməsi və qaydaları tərəfdən məsələyə baxsaq, futbolçunun etdiyində heç bir səhv yoxdu. Elvin bütün beynəlxalq və yerli qaydalara uyğun davranıb”.