“Neftçi” – “Sumqayıt” oyunu təxirə salınacaqmı? – rəsmi açıqlama
Qar yağıb çiçək–çiçək, qar yağıb lopa–lopa.
Qar geyinmiş təpələr bənzəyir bir ağ topa...
Şair Zahid Xəlilin gözəl bənzətməsi öz yerində. Amma bu gün futbolçularımız qartopu yox, futbol topu ilə oynamalıdı. Ona görə ki, Misli premyer-liqasının 24-cü turu çərçivəsində keçiriləcək “Neftçi” – “Sumqayıt” matçında hər iki tərəfin qələbəyə çox ehtiyacı var.
Bəs, kəskin, qarlı hava şəraitini nəzərə alsaq, matçın təxirə salınması mümkündümü?
“Football-plus.az”ın sualını PFL-in texniki-idman direktoru Elgiz Abbasov cavabladı:
“Hava proqnozu əvvəlcədən bilinirdi. Bu üzdən bütün klublara qırmızı toplar verilib. Lazımi texnikalar hazır vəziyyətdədi. Bu gün səhər saatlarında “Neftçi Arena”da ilkin təmizləmə prosesi həyata keçirilib. Oyunun başlama saatına iki saat qalmış yenidən təmizləmə işləri görüləcək. Ümumiyyətlə, tədbirlərlə bağlı planauyğun şəkildə çalışırıq”.
Xatırladaq ki, matç saat 19.00-da başlayacaq.
KƏNAN BAHADIR
Digər xəbərlər
