Yəni Ağdam təmsilçisinin mərhələni adlamaq şansı hələ də davam edir. Matç bitər-bitməz "CBC Sport"a fləş-müsahibə verən Qurban Qurbanov fiziki hazırlığın vacibliyini qabartdı. Belədə ağla Misli premyer-liqasının 26-cı turunun "Qarabağ" - "Zirə" oyununun təxirə salınması ehtimalı gəlir. Axı "köhlən atlar"ı ağır və cütün taleyini həll edəcək Almaniya səfəri gözləyir.
Görəsən, ağdamlıların "qartallar"la qarşılaşmasının təxirə salınması mümkündü? "Qarabağ" PFL-ə bununla bağlı müraciət edibmi?
Qurumun Media və Marketinq direktoru Sənan Abdullayev "Football-plus.az"ın sualını belə cavabladı:
"Xeyr, "Qarabağ" - "Zirə" oyunu keçiriləcək. Əksinin olması yönündə ehtimal yoxdu. Qısası, təqvimdə hansısa dəyişiklik nəzərdə tutulmayıb".
KƏNAN BAHADIR
