“Ayaks” dünya futbolunda sözünü demiş komandadı. İstər çempionatı, istər ümumi nəticələri götürsək, aradakı fərq böyükdü. Məktəb səviyyəsində bizdən qat-qat üstündülər. Qurban Qurbanov həmişə öz oyun üslubunu göstərir. Bu dəfə də ümidvaram ki, “Qarabağ” öz oyununu oynayar. Ehtiyatlı olmaq lazımdı, xüsusilə də müdafiədə. Sırf müdafiədən oyun qurmaq da mümkün deyil. Düzdü, son vaxtlar Ağdam klubunun oyunlarında vurulan qollarda müdafiəçilərin kobud səhvləri rol oynayır. Elə futbolçu yoxdu ki, səhv buraxmasın. Bədavi də əvvəlki oyununu göstərmir. Həm yığmada, həm də klubda… İnanıram ki, istər Medina, Bəhlul, istərsə də Bədavi əlindən gələni edəcək. Yankoviçin bu gün meydana qayıtması da böyük ümid verir. Düşünürəm ki, Qurban hoca əvvəlki oyunlarda olan səhvləri yaxşı analiz edib. Çoxqollu oyun izləyəcəyik. Ümidvaram ki, qələbəyə sevinən tərəf biz olarıq. 3:2 hesablı qələbə gözləyirəm”.