''Bu transferlə bağlı xəbərlər əsasən Türkiyə mediasında ortaya çıxır. Bizim jurnalistlər də onlara əsaslanıb məlumatlar paylaşırlar. Ona görə də kənardan elə görsənir ki, guya danışıqlar davam edir və tərəflər daim əlaqədədi. Amma belə deyil. Bu gün üçün ''Lokomotiv''in əlində sadəcə qarşı tərəfdən göndərilən quru bir məktub var. Orda sadəcə ''Qalatasaray''ın Batrakova maraq göstərdiyi qeyd olunub, vəssalam. Yəni heç bir məbləğ göstərilməyib. Başqa bütün iddialar yalandı. Mənim 7-8 milyon avro komissiya haqqı tələb etməyim haqda deyilənlər isə o qədər gülməlidi ki, heç bunu şərh də etmək istəmirəm. Bu cür ciddi transferlərdə belə məbləğ tələb etmək real deyil. Bunu futbolun içində olan hər kəs dərk edir. Bizim jurnalistlər bu iddianı ortaya atmaqla qeyri-peşəkarlıq nümunəsi sərgiləyirlər. ''Loko'' rəhbərliyinin türklərdən hansı məbləğ tələb etməsi barədə məlumatım yoxdu. Bu, onların verəcəyi qərardı. Batrakovun özü ''Qalatasaray''a keçməkdə maraqlıdımı? Bəli. ''Qalatasaray'' Türkiyə futbolunun nəhənglərindən biridi. Onların hədəfi tək ölkə çempionluğu deyil, həm də Çempionlar Liqasında ən azı pley-offa qədər irəliləmək istəyirlər. Möhtəşəm azarkeşlərə malik böyük bir klubdu. Əla şəraiti, güclü infrastrukturu var. Şəhər də gözəldi. Bu variant təbii ki, Batrakov üçün maraqlıdı''.