“Real”ın iki futbolçusu yaxın günlərdə komanda ilə məşqlərə başlayacaq.

"Football-plus.az" xəbər verir ki, dünya çempionatında Braziliya yığmasının heyətində çıxış edən Vinisius Junior gələn həftə “kral klubu”nun məşqlərinə qoşulacaq. Mundialda Portuqaliya millisinin şərəfini qoruyan komandanın yeni transferi Bernardo Silva isə yayın sonuna yaxın ümumi qrupla hazırlığa başlayacaq.

Bernardo “Real”a azad agent kimi keçərək 2028-ci il iyunun 30-na qədər müqavilə imzalayıb.

Portuqaliyalı yarımmüdafiəçi bundan əvvəl “Mançester Siti”də çıxış edib. Vinisiusun isə Madrid təmsilçisi ilə müqaviləsinin müddəti 2027-ci il iyunun 30-na qədərdi.

Yeri gəlmişkən, Vinisiusun “Real”dan yeni müqavilə üçün yüksək məbləğdə imza bonusu tələb etdiyi bildirilir.