“Neftçi" Emin Mahmudovla bağlı məqama aydınlıq gətirdi - "klubun həkimləri..."
Ötən həftə "Neftçi"nin futbolçusu Emin Mahmudovun zədəli olduğunu yazmışdıq.
Daha doğrusu, "ağ-qaralar"ın Misli premyer-liqasının 8-ci turunda "Sumqayıt"ı qəbul etdiyi (1:1) matçdan əvvəl klubun mətbuat xidmətindən "Football-plus.az"a verilən məlumatda oyunçunun dizində ağrılar hiss etdiyi bildirilib.
Oktyabrın 4-də yığmanın baş məşqçisi Fernando Santuş iki oyun üçün heyəti açıqladı. Məlum oldu ki, Emin də yığmaya dəvət edilənlər sırasındadı. Portuqaliyalı mütəxəssis Mahmudovun zədəli olmadığını və həkimlərin bunu təsdiq etdiyini dedi.
Görəsən, milli komandaya həmin tibbi arayış klub tərəfindən verilib, yoxsa bu qərara yığmamızın həkimləri gəlib?
"Neftçi"nin media üzrə əlaqələndiricisi Rüstəm Əfsərli "Football-plus.az"ın sualını cavabladı:
"Təbii ki, arayış klubun həkimləri tərəfindən təhvil verilib. Bunu başqa kim edə bilər? Emin Mahmudov ötən həftə dizindən zədə almışdı. Bu üzdən "Sumqayıt"la matçı buraxmalı oldu. Lakin sağalandan sonra 9-cu turda "Kəpəz"ə qarşı keçirilən oyunun iştirak ərizəsində adı var idi".
KƏNAN BAHADIR
Digər xəbərlər
