“Fənərbaxça”nın və Türkiyə yığmasının qapıçısı Altay Bayındırın “Mançester Yunayted”ə transferi, nəhayət, cümə günü rəsmən açıqlandı.

"Football-plus.az" xəbər verir ki, 25 yaşlı qapıçı hələ avqustun 25-dən xüsusi təyyarə ilə İngiltərəyə yollanmışdı. “Fənər”in başqanı Əli Koç özü şəxsən hava limanına qədər gedərək Altayla vidalaşmışdı. Dünən “Yunayted” bu transferi başa çatdırdı. Keçidin maliyyə detallarına gəlincə, mançesterlilər istanbullulara 5 milyon avro ödəyəcək. Bundan başqa, sonrakı satışdan 20 faiz pay da nəzərdə tutulub. Altayın sonrakı satışı 10 milyon avronun üzərində olsa, həmin paya daha 1 milyon avro əlavə olunacaq. Müqavilənin müddəti isə dördillikdi. Bayındır “Yunayted”in tarixinə ilk türkiyəli futbolçu kimi düşüb. Qısaca qeyd edək ki, “Ankaragücü”nün yetirməsi olan və peşəkar karyerasına məhz bu klubda başlayan Bayındır 2019-dan “Fənər”in şərəfini qoruyurdu. O, “sarı-lacivərdlilər”in heyətində 145 rəsmi oyuna çıxdı. 44 oyunda qapısını toxunulmaz saxlayan qapıçı ümumilikdə 162 qol buraxdı. Altay Bayındır yeni klubunda Andre Onanın ardından 2-ci qapıçı statusunda olacaq. Amma qeyd etmək yerinə düşər ki, yanvarda Afrika Millətlər Kuboku keçiriləcək. Kamerunlu Onana həmin turnirdə iştirak edəcəyi müddətdə Bayındırın təxminən 1 ay əsas qapıçı olacağı gözlənilir. Əslində “Yunayted”in baş məşqçisi Erik ten Haq çoxdan Altayı diqqət mərkəzində saxlayırdı. Qapıçının həm ucaboy (195 sm), həm də inkişafa meyilli olması, eyni zamanda ayaqla yaxşı oynaması bu mütəxəssisin diqqətini çoxdan cəlb edib. Təsadüfi deyil ki, Altayın 2021-in yayında “Ayaks”a keçmək ehtimalı yaranmışdı. Həmin vaxt Amsterdam nəhəngini məhz Ten Haq çalışdırırdı. Amma o dönəmdə tərəflər razılıq əldə edə bilməmişdi. Onu da bildirək ki, Altayın hər nə qədər “Fənər” fanatları ilə ulduzu barışmasa da, əslində o, klub üçün böyük bir jest etmiş oldu. Qapıçının klubla müqavilə müddəti bu yay başa çatırdı. O, çoxsaylı təkliflər almasına rəğmən, martda “Fənərbaxça” ilə yeni - dördillik müqavilə imzaladı. Həmin vaxt həm klub, həm də qapıçı bu yay yollarını ayıracaqlarını bilirdilər. Altay, sadəcə, bu addımı “Fənərbaxça”ya pul qazandırmaq üçün atdı. Hər halda, 5 milyon avro heç də az məbləğ deyil. Transferin rəsmiləşməsinin ardından Altay bunları dedi: