Qarsiyaya xələf olacaq

Belçika yığmasının yeni baş məşqçisi müəyyənləşib.

Football-plus.az" xəbər verir ki, milli komandaya Mark van Bommel təyinat alacaq.

Tanınmış insayder Fabritsio Romanonun məlumatına görə, 48 yaşlı niderlandlı mütəxəssislə bütün detallar razılaşdırılıb. Tərəflər 2028-ci ilin iyun ayınadək nəzərdə tutulan müqavilə ilə bağlı razılığa gəliblər. Rəsmi açıqlamanın yaxın günlərdə veriləcəyi gözlənilir.

Van Bommelin sonuncu iş yeri 2022-24-cü illərdə çalışdırdığı “Antverp” olub. Komanda onun rəhbərliyi altında Belçika çempionu, ölkə kubokunun və superkubokunun qalibi olub.

Xatırladaq ki, Belçika Futbol Assosiasiyası dünya çempionatından sonra Rudi Qarsiya ilə yolları ayırıb.