''Fənərbaxça''da qapıçı Altay Bayındırla bağlı bütün suallara aydınlıq gəldi.

"Football-plus.az" xəbər verir ki, Türkiyə yığmasına da daimi dəvət alan istedadlı əlcək sahibi ilə nəhayət ki, yeni müqavilə imzalandı.

24 yaşlı qapıçının əvvəlki müqaviləsinin müddəti bu yay başa çatırdı. Buna görə də ''Ayaks'' və ''İnter'' başda olmaqla bir sıra klublar ona maraq göstərirdi. Amma Altayla dördillik yeni müqavilə imzalanıb. Qapıçının yeni məvacibi barədə məlumat verilmir. Bayındırın buna qədər illik qazancı 1 milyon avro civarında idi.

Qeyd edək ki, İstanbul nəhəngi bu əlcək sahibini 2019-un yayında 1,5 milyon avroya ''Gənclərbirliyi''ndən transfer edib. Altay indiyə qədər ''sarı-lacivərdlilər''in heyətində 137 rəsmi oyuna çıxıb və 153 qol buraxıb.