“ÇSKA “Qarabağ”ın meydanında dəyərli bərabərlik edərək mərhələ adlamaq şansını qorudu. “Qırmızılar” intizam, xarakter və sağlam müdafiə sərgilədi. Meydan sahibləri start fitindən etibarən gözlənən təzyiqi göstərdi və Xristo Yanevin komandasını sıxışdırmağa çalışdı. “Qarabağ” topa daha çox sahib oldu və hər iki cinahda boşluqlar axtardı. Ancaq ÇSKA təşkilatlanmış müdafiə ilə hərəkət etdi və qapısının önündə yüzfaizlik qol epizoduna icazə vermədi. “Qırmızılar” oyuna daha təmkinli yanaşdı, daha çox əks-hücumlara və dayanan toplara güvəndi. Sofiya təmsilçisi bəzi epizodlarda oyunu ön xəttə daşımağa da nail oldu. Ancaq son zərbələr “Qarabağ” üçün ciddi təhdid yaratmadı. Fasilədən sonra “Qarabağ”ın təzyiqi artdı. Rəqib bir neçə təhlükəli vəziyyət yaratdı, ancaq ÇSKA-nın mükəmməl müdafiə müdaxilələri və qapıçısının etibarlı oyunu hesabı sıfırda saxladı. Qonaqlar meydan sahiblərinin cidi təzyiqinə rəğmən, səbr etdi və təzyiqə boyun əymədi. Son dəqiqələrdə azərbaycanlılar hücuma daha çox enerji qatdı. Lakin “qırmızılar” dirəniş göstərdi və meydanı “sülh”lə tərk etdi. Beləliklə, hər şey bir həftə sonda cavab matçında bəlli olacaq. ÇSKA ev oyununda azarkeşlərindən də dəstək ala biləcək”.