Kamran Quliyev “Neftçi” azarkeşləri ilə görüşdü
Cümə axşamı günorta saatlarında “feysbuk”dakı “Neftçi Baku Fan Page” səhifəsi maraqlı elanla gündəmə gəldi.
Xəbərdə “Neftçi” azarkeşləri ilə klub arasında görüşün baş tutacağı bildirildi. “Real addım istəyirdiz, bu da addım. Gəlin, birlikdə sözümüzü deyək!” cümləsinin əlavə edildiyi paylaşım qısa müddətdə xeyli bəyənmə və rəy topladı.
Əldə etdiyimiz məlumata görə, görüş dünən saat 17.00-da keçirilib. Hansı mövzular müzakirə olunub? “Neftçi”rəhbərliyi azarkeşlərin iradına necə münasibət bildirib?
"Football-plus.az" olaraq suallarımızı sözügedən səhifənin rəhbəri Elçin Bayramova ünvanladıq:
“Mən görüşdə iştirak edə bilmədim. İştirakçılardan biri ilə əlaqə saxlayaraq detalları öyrənmişəm.
Ümumiyyətlə, dəfələrlə rəhbərliklə görüşüb iradlarımızı bildirmişdik. Sağ olsunlar, həmişə olduğu kimi, bu dəfə də azarkeşləri səmimi qarşılayıb, iradları dinləyiblər. Əsas görüş klub prezidenti Kamran Quliyevlə olub. Azarkeşlər ondan istefa tələb ediblər. 2-3 saat davam edən müzakirələr zamanı prezident durumu izah edib, problemlərin səbəblərini əsaslandırmağa çalışıb.
Anladığım odu ki, Kamran bəy istefa vermək fikrində deyil. Çünki təyinat alanda “Neftçi”nin vəziyyəti indikindən daha betər idi. Bunu əsas gətirərək klubun az da olsa, dirçəlməsindən sonra geri çəkilmək istəmir. Bəs biz dərdimizi kimə deməliyik? Təbii ki, Kamran Quliyev prezident kimi məsuliyyət daşımalıdı. Təəssüf ki, cari mövsümdə xeyli sayda azarkeş “Neftçi”nin durumundan narazıdı.
Əsas çatışmazlıq verilən sözlərin tutulmamasıdı. Başa düşmürük ki, Azərbaycan futbolunun ən nüfuzlu, həm maddi, həm də texniki cəhətdən yüksək səviyyəli klubu niyə bu gündə olmalıdı? Bu “futbol ili”ndə üzümüz gülmədi. Bu komanda bizim meydanda görmək istədiyimiz “Neftçi” deyil. Futbolçular oynamır. Bu qədər geriləmə normal deyil.
Ölkə kubokunun yarımfinalında 2:0 məğlub etdiyimiz “Turan Tovuz” qisas oyununda 4 cavabsız qolla qələbə qazandı. Bu matç səbr kasamızı dolduran son damla oldu. Ümumiyyətlə, mövsümün əvvəlindən heç nə yolunda getmir. Məsuliyyət ilk növbədə baş məşqçi Laurentsiu Regekampfın üzərindədi. Daha sonra futbolçular, rəhbərlik və s. Heç olmasa, minimal hesabla uduzsaydılar, bizi qane edərdi. Anlayardıq ki, komandada müvəqqəti narahatlıq var. Axı, bu dərəcədə olmaz.
Təxminən 15-20 azarkeş görüşdə iştirak etdi. Artıq yerinə yetirilməyən vədlər eşitmək istəmədiyimizi dedik. Bizi başqa məsələlər maraqlandırmır. Nə baza, nə uşaq futbolu, nə də klubun daxili məsələləri. Sadəcə, mübarizə, baxımlı oyun tələb edirik.
Futbolçular elə çıxış etsinlər ki, məğlubiyyətlərinə də haqq qazandıra bilək. İzləyirik, sanki qaçmağa, oynamağa halları yoxdu. Niyə? Şükürlər olsun ki, “Neftçi”nin maddi baxımdan problemi yoxdu. Azarkeş olaraq həmişə dəstək göstərmişik. Heç vaxt onları meydanda tək qoymamışıq”.
Ümumiyyətlə, dəfələrlə rəhbərliklə görüşüb iradlarımızı bildirmişdik. Sağ olsunlar, həmişə olduğu kimi, bu dəfə də azarkeşləri səmimi qarşılayıb, iradları dinləyiblər. Əsas görüş klub prezidenti Kamran Quliyevlə olub. Azarkeşlər ondan istefa tələb ediblər. 2-3 saat davam edən müzakirələr zamanı prezident durumu izah edib, problemlərin səbəblərini əsaslandırmağa çalışıb.
Anladığım odu ki, Kamran bəy istefa vermək fikrində deyil. Çünki təyinat alanda “Neftçi”nin vəziyyəti indikindən daha betər idi. Bunu əsas gətirərək klubun az da olsa, dirçəlməsindən sonra geri çəkilmək istəmir. Bəs biz dərdimizi kimə deməliyik? Təbii ki, Kamran Quliyev prezident kimi məsuliyyət daşımalıdı. Təəssüf ki, cari mövsümdə xeyli sayda azarkeş “Neftçi”nin durumundan narazıdı.
Əsas çatışmazlıq verilən sözlərin tutulmamasıdı. Başa düşmürük ki, Azərbaycan futbolunun ən nüfuzlu, həm maddi, həm də texniki cəhətdən yüksək səviyyəli klubu niyə bu gündə olmalıdı? Bu “futbol ili”ndə üzümüz gülmədi. Bu komanda bizim meydanda görmək istədiyimiz “Neftçi” deyil. Futbolçular oynamır. Bu qədər geriləmə normal deyil.
Ölkə kubokunun yarımfinalında 2:0 məğlub etdiyimiz “Turan Tovuz” qisas oyununda 4 cavabsız qolla qələbə qazandı. Bu matç səbr kasamızı dolduran son damla oldu. Ümumiyyətlə, mövsümün əvvəlindən heç nə yolunda getmir. Məsuliyyət ilk növbədə baş məşqçi Laurentsiu Regekampfın üzərindədi. Daha sonra futbolçular, rəhbərlik və s. Heç olmasa, minimal hesabla uduzsaydılar, bizi qane edərdi. Anlayardıq ki, komandada müvəqqəti narahatlıq var. Axı, bu dərəcədə olmaz.
Təxminən 15-20 azarkeş görüşdə iştirak etdi. Artıq yerinə yetirilməyən vədlər eşitmək istəmədiyimizi dedik. Bizi başqa məsələlər maraqlandırmır. Nə baza, nə uşaq futbolu, nə də klubun daxili məsələləri. Sadəcə, mübarizə, baxımlı oyun tələb edirik.
Futbolçular elə çıxış etsinlər ki, məğlubiyyətlərinə də haqq qazandıra bilək. İzləyirik, sanki qaçmağa, oynamağa halları yoxdu. Niyə? Şükürlər olsun ki, “Neftçi”nin maddi baxımdan problemi yoxdu. Azarkeş olaraq həmişə dəstək göstərmişik. Heç vaxt onları meydanda tək qoymamışıq”.
KƏNAN BAHADIR
Digər xəbərlər
