Misli premyer-liqasının 24-cü turunun "Qarabağ" - "Neftçi" oyununda meydan sahibləri hesabı bərabərləşdirdikdən sonra "ağ-qaralar"ın azarkeşləri meydana partlayıcı maddə atdılar. Bir qədər sonra polis onları stadiondan uzaqlaşdırdı. Bununla "Neftçi" azarkeşləri neçənci dəfədi intizamsızlıq edir. Görəsən, klub onlarla bu yöndə proflaktik söhbətlər edib?

"Football-plus.az" olaraq, bunu aydınlaşdırmaq üçün klubun mətbuat katibi Rüstəm Allahverdiyevdən açıqlama aldıq: "Klub olaraq həm "Forza Neftçi", həm də digər azarkeşlər ilə qanunazidd hərəkətlərin yolverilməzliyi haqda dəfərlərlə söhbət etmişik. Onlardan xahiş etmişik ki, intizamlı olsunlar. Buna məhəl qoymayaraq stadionda qanunsuz əməllər edirlərsə, burda bizlik bir iş yoxdu. Belə olanda da polislər müdaxilə edərək öz öhdəliklərini yerinə yetirəcəklər".

ABDULLA İSMAYILOĞLU