"Məşqçilər tez-tez emosiyalara qapılır. Samir Abasov da emosiyaya qapılıb. Amma bu, onun azarkeşlər haqda kəskin ifadə işlətməsinə haqq vermir. Samir Abasovun komandada qalıb-qalmayacağını hələ bilmək olmaz".

"İstefaya səsləmək təhqir deyil. "Neftçi" azarkeşləri də Samir Abasovu istefaya səsləməklə təhqir etməyib. Tələbimiz də haqlıdı. Komanda avrokuboklarda uğursuz çıxış etdi, çempionata çox pis başlayaraq vacib oyunlarda məğlubiyyətlər aldı. Ən əsası, komandanın oyunu gündən-gündə tənəzzülə gedir. Samir bəy 2 ildi "Neftçi"dədi, amma komanda inkişaf etmir. Bu mövsüm bizə aydın oldu ki, Abasov iddialı komanda üçün məşqçi deyil. "Neftçi" 1 il çempion olub, 10 il öləcək komanda da deyil. Azarkeşləri heçə sayan Samir bəyə xatırladım ki, “Neftçi” ötən mövsüm çempion olanda "mənim baş məşqçi kimi uğurumda və "Neftçi"nin çempion olmasında azarkeşlərin danılmaz rolu var" söyləmişdi. İndi nə oldu? “Azarkeşlər heç nəyi həll etmir” deyir?!"

"Hörmətli" Samir Abasov, bu klub nə sənin bazarın, nə də bu azarkeş uşağındı. O tribunada can qoyan oğlanların yaşayışı sənin yaşayışından “krutoy”du. Sən pula görə bu klubdasan, azarkeş isə təmənnasız komandanın arxasında dayanıb. Dünənə kimi bir azarkeş olaraq Samir Abasova vaxt verilməsini hardasa fikirləşmək olardı. Amma yanılmışıq, sakitcə getsə, yaxşı olar".