"Formula-1" yarışının bir parçası olmaq möhtəşəm hissdi" - DJ Hardvel
"Paytaxtınız ildən-ilə daha da gözəlləşir və maraqlı olur".
"Football-plus.az" xəbər verir ki, bunu jurnalistlərə açıqlamasında "Formula 1" üzrə Azərbaycan "Qran-pri"si üçün Bakıya səfər edən DJ Hardvel deyib.
Məşhur niderlandlı musiqiçi daha əvvəl də Azərbaycana gəldiyini söyləyib:
"İlk dəfə 2019-cu ildə bu gözəl şəhərə səfər etmişəm. "Formula 1" yarışının bir parçası olmaq möhtəşəm hissdi. Dünənki konserti də izlədim. Yüksək səviyyədə təşkil olunmuşdu".
"Red Bull" pilotu Maks Ferstappenlə eyni ölkədən olan Hardvel sabah onun yaxşı çıxış edəcəyinə inandığını vurğulayıb:
"Mən böyük "Formula-1" fanatıyam. 2017-ci ildə Meksika "Qran-pri"sində Dj kimi iştirak etmişəm".
O, hələlik Azərbaycan mətbəxi ilə tanış olmadığını sözlərinə əlavə edib:
"Sizin musiqisini dinləmək imkanım olmayıb. Olacağı təqdirdə gələcəkdə bundan faydalana bilərəm".
Digər xəbərlər
