Məşqçi dəyişikliyindən sonra işləri qaydasında getməyən ''Bavariya'' yenə qalmaqalla gündəmdədi. Bilindiyi kimi Çempionlar Liqasında ''Mançester Siti''yə qarşı oyundan sonra Sadio Mane Leroy Sanenin üstünə hücum çəkərək onun dodağını partlatmışdı.

"Football-plus.az"ın məlumatına görə, bu dəfəki qalmaqal Münhen nəhənginin fransalı müdafiəçisi, uzun müddətdi zədəsini sağaltmaqla məşğul olan Luka Ernandesin şəxsi həyatı ilə bağlıdı.

Belə ki, futbolçunun həyat yoldaşı Ameliya Lyorente onun xəyanətini ifşa edib. Bu xanım Ernandesin onu italiyalı model və aktrisa Kristina Buççino ilə aldatdığını ictimaiyyətə açıqlayıb! Fransa yığmasının üzvü ilə bu xanım arasında eşq macərasının olması barədə iddialar daha öncə də mətbuatda ortaya atılmışdı. Amma həmin vaxt Lyorente buna reaksiya bildirməmişdi. Görünür, xanımın səbr kəsəsi artıq dolub.

İspaniyalı bu xanım srağagün ''instaqram'' səhifəsinin hekayə bölümündəki paylaşımında sərt sözlər ifadələr işlədib:

Bundan başqa Lyorente ''instaqram''da Ernandesə aid bütün şəkilləri silib! Bu cütlüyün 2021-ci ilin yayında ailə həyatı qurduğunu bildirək. Kristina Buççinoya gəlincə, belə görünür, tanınmış futbolçularla münasibət onun sevimli məşğuliyyətlərindən biridi.

Bu xanım 2016-cı ildə qısa müddət Kriştiano Ronaldo ilə eşq macərası yaşamış, daha sonra verdiyi müsahibədə bunu təsdiqləyərək portuqaliyalıya tərif yağdırmışdı. Bundan başqa Buççino bir müddət serbiyalı futbolçu Aleksandr Kolarovla da sevgili olub.

ƏLİ