“Düzünü desəm, Parisə yenicə gəlmişəm və komanda ilə bağlı yetərincə məlumatım yoxdu. Başqa oyunçular kimi, Mbappe haqqında da fikir bildirməyim bir qədər tez olardı. Ona görə də Kilianın komandada qalıb-qalmayacağı haqda yekun qərarını gözləməyi lazım bilirəm. Onun gələcəyi bizimlə bağlı olacaqsa, buna çox sevinəcəyəm. Mbappe komandaya hədəflərə çatmaqda kömək edəcək. Komandadakı ilk həftədən onun inanılmaz oyunçu olduğunu gördüm. Üstəlik Kilian ispan dilində yaxşı danışır. Bir-birimizi dərhal başa düşdük. Dost deyilik, amma Kilian çox yaxşı adamdı”.

“Birlikdə nə qədər çox oynayırıqsa, bir-birimizi meydanda bir o qədər yaxşı anlayacağıq. Biz inkişafa birgə nail olmalı və anlaşma səviyəsini qaldırmalıyıq. Mən Neymarla yaxşı anlaşıram, amma Kilianı da qeyd etməyə bilmərəm. O, çox ağıllı və inanılmaz dərəcədə sürətli oyunçudu. Biz inkişafımızı davam etdirməli və bir çox oyun komponenti üzərində çalışmalıyıq. Üçlükdə daha yaxşı oynaya biləcəyimizə əminəm”.

“Biz onunla bir komandada oynayırıq, amma bu amilin heç bir əhəmiyyəti yoxdu. Kilian başqa aləmdi. O, yırtıcı heyvan kimidi. Təkbətək epizodda çox güclüdü. Mbappe sürətini artırarkən kosmosa uçur. Çox cəlddi və çoxlu qol vurur. Artıq bir neçə ildi yüksək səviyyəli oyun nümayiş etdirir. Əlbəttə, yaxın illərdə dünyada ən yaxşı futbolçu olacaq”.

“Messi Fransaya gəlməzdən əvvəl çox həyəcanlanmışdım. Komandada yalnız ondan danışırdıq. Həmişə belə oyunçularla birgə oynamaq istədiyimi deyirdim və artıq arzuma çatmışam. İndi əsas vəzifəmiz birləşmək və əsl komanda olmaqdı. Biz kuboklar qazanmaq istəyirik. PSJ-də bu qədər yüksək səviyyəli futbolçu olduğundan kompromis yollar axtarırıq. Messi ilə Neymarın oynadığı komandada yeganə ulduz olmaq lazım deyil. Bütün işlərinizi birlikdə görürsüz. Amma komandanızda Leo varsa, təravətini qoruması və qol vəziyyətlərindən maksimum yararlanması üçün ona meydanda bir qədər az iş görmək imkanı yaratmalısız. Bu, problem deyil, bizdə iyerarxiya var. Messi yeriyəndə qaçmağıma sevinirəm. Yəqin ki, məni düzgün başa düşdüz – axı o Messidi! Onun yanımda olduğu hər andan zövq alıram. Bu vəziyyət mənim üçün böyük üstünlükdü”.

“Mən məşqçi deyiləm, amma Leo topa toxunmalı, oyunu və matçı hiss etməli olan oyunçudu. Onu müntəzəm izləyirəm. Görünür, sağ cinah onun üçün yaxşı mövqedi. Bu halda mən başqa yerdə oynamağa hazıram. Leo sağ cinahda daha sərbəst oynayır, bu cinahla topu irəli apara bilir, onu qapıya yaxınlaşdırır. Hazırda mən və Messi özümüzü sakit hiss edirik. Bir-birimizlə yaxşı anlaşırıq”.

“Təsəvvür edin, o, bir neçə saatdan sonra “Qızıl top”u 7-ci dəfə əllərinə almağa hazırlaşırdı. Ola bilsin, səhnədə nə deyəcəyi, mükafatı necə qaldıracağı haqda düşünürdü. Mənə elə gəlirdi ki, həmin səhnədə artıq 6 dəfə olduğundan əsəbləşməsi mümkün deyildi. Messinin hətta bundan sonra da həyəcan keçirməsinə inana bilməzdim. Onun yerində olsaydım, səhnəyə ağzımda siqar tutaraq addımlayardım! Amma Leonun ilk dəfə baş verirmiş kimi həyəcanlanması uşaq qəlbli olduğunu göstərir. Bəli, Messi indiki yaşında da ən yaxşı seçilməsini sakit qarşılaya bilmir. Amma Leo ən yaxşı olmaqdan yorulmayıb”.