Dünya futbolu
155
1.04.2022, 20:50
Ronaldinyo: ''Messinin zamana ehtiyacı var''
Vaxtilə ulduzu məhz PSJ-də parlayan və sonradan ''Barselona''da xarüqələr yaradan braziliyalı əfsanə Ronaldinyo parislilərin iki ulduzu - Lionel Messi və Kilian Mbappe ilə bağlı açıqlamalar verib.
Messi ötən yay uzun illər şərəfini qoruduğu ''Barselona''dan ayrılıb PSJ-yə böyük ümidlərlə gəlsə də, 26 rəsmi oyunda cəmi 7 qol, 10 məhsuldar ötürmə ilə fərqlənib. Ronaldinyo bunları deyib:
''Messi uzun illər eyni tərzdə oynayan bir komandadan tamamilə fərqli tərzdə oynayan bir kollektivə keçib. Ona görə də işi bir qədər çətindi. Həmişəki oyununu sərgiləməsi üçün Messi ilk növbədə komandaya uyğunlaşmalıdı. Bunu edə bilsə, qalan hər şey öz-özünə düzələcək. Sadəcə bir qədər zamana ehtiyacı var. Onu fitə basan PSJ-liləri anlamıram. Messi kimi bir ulduzu fitə basırsansa, kimi alqışlayacaqsan? Mbappeyə gəlincə, onu çox bəyənirəm. Mükəmməl futbolçudu. Hər kəsin onun oyununu izləmək istəyir. Mbappe mənə Nikolya Anelkanı xatırladır. Istənilən klubda uğur qazanmağa qadirdi. Amma ümid edirəm ki, karyerasının növbəti mərhələsində doğru seçimlər edəcək''.
