Fransa çempionatının 30-cu turunda səfərdə “Klermon”a 6:1 hesabı ilə qalib gələn PSJ liderliyini bir qədər də möhkəmləndirib.

Parislilərin hücumçularından Neymar ilə Kilian Mbappe het-trik edib, Lionel Messi isə darmadağında üç məhsuldar ötürmə ilə rol oynayıb.

Qeyd edək ki, 23 yaşlı Mbappe karyerasında vurduğu qolların sayını 127-yə çatdırıb. Avropanın “böyük beşlik” adlandırılan aparıcı liqalarında son 50 ildə 24 yaşına qədər azı 125 qol vuran ilk futbolçu “Real”ın sabiq hücumçusu Raul Qonsales olub.