"Qarabağ" rəsmisi "Frayburq"la görüşdən sonra baş verən hadisənin səbəbini açıqladı
Avropa Liqasının qrup mərhələsinin son turunda "Qarabağ" "Frayburq"la heç-heçə etdi - 1:1.
Bu nəticə ilə Ağdam təmsilçisi yoluna Konfrans Liqasında davam edəcək. Görüşdən sonra maraqlı hadisə yaşandı. Matç bitər-bitməz Tofiq Bəhramov adına Respublika stadionunda atəşfəşanlıq oldu. Görəsən, bunun səbəbi nə idi? Komanda faktiki 2 tur öncədən Konfrans Liqasının pley-offunu təmin etsə də, son görüşdə qalib gələ bilməmişdi. "Football-plus.az" olaraq maraqlı məqamın səbəbini Gündüz Abbaszadədən soruşduq:
"Görüşdə qələbə qazanmadıq, amma Konfrans Liqasının pley-offunu təmin etmişdik. İstənilən halda, bu, növbəti uğur idi. Yolumuza davam edirdik. Amma uduzsaydıq, atəşfəşanlıq olmayacaqdı. Mənə elə gəlir ki, "Qarabağ"ın 10 nəfərlə əzmkar mübarizə aparması, döyüşməsi, bundesliqa təmsilçisi "Frayburq"a məğlub olmaması, qışdan sonra avrokubok macəramızın davam etməsi uğurdu. Bunların fonunda atəşfəşanlıq olmalıydı. Ki, oldu da".
İLKİN SULTANLI
Digər xəbərlər
