"Mərhələni "Qarabağ" keçsəydi, məyus olmazdıq" - Antuan Kombuare
"Nant"ın baş məşqisi Antuan Kombuare Avropa Liqasının rup mərhələsində "Olimpiakos"a qalib gəlmələri (2:0) barədə danışıb.
"Football-plus.az" xəbər verir ki, bu qələbə sayəsində "Qarabağ"ı geridə qoyaraq 2-ci yerin sahibi kimi pley-offa adlayan komandanın çalışdırcısı bunları deyib:“Biz cırtdanlarıq, hələ balaca komandayıq. Biz bu yarışmada kəşf etməyə və öyrənməyə davam edəcəyik. Prioritetimiz çempionluq olaraq qalır. Bu baş versə, gözlərimizdə ulduzlar olacaq. Soyunub-geyinmə otağında oyunçuların "Barselona" və "Yuventus" haqqında danışdıqlarını eşitdim... Biz xəyal qurmağa davam edəcəyik. Amma hər şeydən əvvəl qalib gəlmək istəyirdik ki, peşman olmayaq".
Kombuare bildirib ki, mərhələni Ağdam təmsilçisi keçsəydi, buna görə məyus olmayacaqdılar: "Biz "Olimpiakos"la görüşdə "Qarabağ"ın "Frayburq"la matçını nəzərə almadan oynadıq. Mərhələni "Qarabağ" keçsəydi, məyus olmazdıq. Çünki Avroliqadan başımız dik halda ayrılacaqdıq".
Qeyd edək ki, "Nant" "Olimpiakos"a qalib gəlməklə G qrupunda xallarının sayını 9-a yüksəldib. "Qarabağ" isə Bakıda "Frayburq"la heç-heçə edib (1:1) və xal ehtiyatını 8-ə çatdırıb. Nəticədə "Frayburq" qrup lideri kimi 1/8 finala adlayıb. "Nant" 2-ci yerin sahibi olaraq pley-offa vəsiqə qazanıb. "Qarabağ" isə yoluna Konfrans Liqasının pley-offunda davam edəcək.
Digər xəbərlər
