Xarakterini dəyişməsə, yığmanın qapısı üzünə bağlanacaq - AÇIQLAMA
U-19 millimizin baş məşqçisi Miloş Velebit "Futbol+" qəzetinin bugünki sayına müsahibə verib.
Mütəxəssis komandanın futbolçusu Qurban Səfərov haqda da danışıb. Serbiyalı onun davranışında problem olduğunu, heç nədən qırmızı vərəqə alaraq komandanı çətin vəziyyətdə qoyduğunu bildirib. Buna baxmayaraq, Səfərovun oyunundan razı qaldığını, onun istedadlı futbolçu olduğunu da vurğulayıb.
Maraqlıdı, Qurban Səfərov niyə belə hərətəkler edir? Avropa çempionatının seçmə mərhələsindəki vacib görüşlərdə niyə yersiz hərəkətlə komandasını azlıqda qoyub? Bu haqda məlumat almaq üçün futbolçu ilə əlaqə saxladıq. Onun "Football-plus.az" saytına açıqlaması belə oldu:"Bu baş məşqçi ilə 3 ildi bir yerdəyik. Həmin oyunda istəməzdim elə olsun. Əsəblərimə hakim ola bilmədim, rəqibi vurdum və "qırmızı" alaraq komandanı pis vəziyyətdə qoydum. Buna görı çox məyus oldum. Bütün komandanın əziyyətini yerə vurdum. Amma istəməzdim belə olsun. Kənardan bəlkə belə görünür ki, vecimə deyil. Amma o hərəkətimə görə hələ də özümə gələ bilməmişəm. Miloş müəllim yaxşı məşqçidi. Mən onlardan razıyam, onların da məndən narazı olmaları normaldı. Mənə çox güvənirlər, amma bunun qarşılığını verə bilmədim. Bundan öncə də davranışımla bağlı səhvlərim olub. Lakin ötən dəfə etdiyim futboldan kənar bir şey idi. Onda da mənə şans verdi. Məşqçimizin üzərimdə əziyyəti böyükdü, ondan çox şey öyrəndim. Bundan sonrası Allah Kərimdi. Əlimdən gələni edəcəm ki, dəyişim. Çox dəyişiklik etməliyəm. Əks halda millinin qapısı üzümə bağlı olacaq".
ŞAİR ABDULLA
Digər xəbərlər
