“Qarabağ”ın Avropa Liqasının birinci təsnifat mərhələsindəki rəqibi “Vestri” növbəti oyununa çıxıb.

"Football-plus.az" xəbər verir ki, komanda dünən 1-ci liqanın 14-cü tur matçında öz meydanında “Fülkir”lə qarşılaşıb. Görüş qonaqların 5:2 hesablı qələbəsi ilə başa çatıb.

“Vestri”nin qollarını 49-cu dəqiqədə Tordur Haftorsson və 85-ci dəqiqədə penaltidən Qunnar Hauksson vurub. “Vestri” 14 oyundan sonra 21 xalla beşinci pillədə qərarlaşıb.

Reykyavikdə keçiriləcək “Vestri” - “Qarabağ” oyunu Bakı vaxtı ilə iyulun 17-si, saat 00.00-da başlayacaq. İlk matçda “Qarabağ” 3:0 hesabı ilə qələbə qazanıb.