“Xəzər Lənkəran"ın yunanıstanlı sabiq legioneri Dimitris Sialmas "Olimpiakos" - "Qarabağ" görüşü haqda fikirlərini bölüşüb.

Təcrübəli hücumçu Yunanıstan mətbuatına Pirey təmsilçisinin çox güclü komanda olduğunu deyib: "Ona görə də "Qarabağ"a qalib gələcəyini düşünürəm. Bəli, onların avrokuboklarda necə çıxış etdiyini bilirəm. "Olimpiakos" bir neçə futbolçu cəlb edib. Bu üzdən güclü komanda olduğunu düşünürəm. Üstəlik Avropa Liqasında artıq xallar toplamalıdı".

Qeyd edək ki, Sialmas “Panionios” və “Yannina”da oynayandan sonra 2012-13-də “Xəzər Lənkəran”ın forması geyinib. Hazırda ölkəsində "Aiyoy Anarqiroy"da çıxış edir.