“Hazırlıq eyni qaydada davam edir. Hələ çempionatın əvvəlidi. Bu matçı final oyunu kimi dəyərləndirmirik. Digər rəqiblərə qarşı necə hazırlaşırıqsa, bu dəfə də eyni çalışmaları davam etdiririk. Hədəf maksimum xal toplamaqla çempion olmaqdı. Bu üzdən meydana qələbə seriyasını davam etdirmək üçün çıxacağıq. Heç-heçə də sərfəli nəticə olar deyə müdafiə olunmaq fikrində deyilik. “Səbail”in oyunlarını təhlil etmişik. Xal itkisinin bizi turnir cədvəlində geri salmasını istəmirik. Psixoloji və fiziki durum qaydasındadı. Cəmi bir zədəlimiz var. O da Əlirza Müştəbazadədi ki, hələ 2-ci turda sıradan çıxıb. Mikrozədəsi olan oyunçuların bəziləri start heyətində yer alacaq. Qalanı isə ehtiyat oyunçular skamyasında qalacaq. Özümüzə inanırıq”.