"Meydana yalnız qələbə üçün çıxacağıq" - Millimizin futzalçısı
"Meydana yalnız qələbə üçün çıxacağıq"
"Football-plus.az" xəbər verir ki, bunu millimizin futzalçısı Tofiq Mikayılov Bakıda Rumıniya yığmasına qarşı keçirəcəkləri DÇ-2024-ün elit mərhələsinin oyunundan əvvəl jurnalistlərə açıqlamasında deyib.
Oyunçu komandada ab-havanın çox yaxşı olduğunu bildirib:
"4-5 gündü təlim-məşq toplanışı davam edir. Biz də özümüzü göstərmək istəyirik. Hazırlıq prosesi çox yaxşı keçir. Əvvəlki matçlarda mən yox idim. Uşaqlar yaxşı oynamışdı. Nə olubsa, keçmişdə qalıb. Növbəti iki matçda qələbə qazanmaq niyyətindəyik".
Minifutbolda da mübarizə aparan Mikayılov iki növü müqayisə edib:
"Peşəkarlıq cəhətdən futzal daha yaxşıdı. Bir az komandaların sayı çox olsa, daha yaxşı olar və oyunçuların sayı çoxalar. Minifutbolda komanda sayı çoxdu. Bu səbəbdən bir az maraqlı və həyəcanlı gəlir. Ümid edirəm ki, növbəti mövsümdə futzalda da komanda sayı çoxalacaq".
Qeyd edək ki, dekabrın 15-də keçiriləcək Azərbaycan - Rumıniya matçı saat 20.00-da start götürəcək.Qazaxıstan 4 oyundan sonra 12 xalla A qrupunda liderdir, Niderland 6 xalla ikincidi. Rumıniya və millimiz isə 3 xalla 3-4-cü pillələri bölüşdürür.
Digər xəbərlər
