"Özümüzü sübut etmək üçün hələ bir şansımız var" - "Ferentsvaroş"un prezidenti
"Ferentsvaroş"un prezidenti Qabor Kubatov Çempionlar Liqasının pley-offunda "Qarabağ"a qarşı cavab oyunundan əvvəl sosial şəbəkə hesabında paylaşım edib.
"Football-plus.az" xəbər verir ki, Macarıstan klubunun rəhbəri evdə 1:3 hesablı məğlubiyyətdən sonra fövqəladə bir güc sayəsində mərhələni keçməyin mümkün olduğunu qeyd edib:
"Özümüzü sübut etmək üçün hələ bir şansımız var. Hər futbolçumuzun fövqəlinsan performansına ehtiyac var. Bundan sonra mərhələ keçmək şansımız olacaq".
Xatırladaq ki, Budapeştdə keçirilən ilk görüşdə "Qarabağ" 3:1 hesabı ilə qalib gəlib. Sabah Tofiq Bəhramov adına Respublika stadionunda keçiriləcək cavab matçı saat 20.45-də başlayacaq.
Digər xəbərlər
