Çempionlar Liqasının 3-cü təsnifat mərhələsində keçiriləcək "Qarabağ" - "Ferentsvaroş" (Macarıstan) ilk oyununa hakim təyinatları açıqlanıb.

"Football-plus.az" UEFA-nın saytına istinadən xəbər verir ki, matçı İsveç Futbol Federasiyasından Andreas Ekberq idarə edəcək. Yan xətlərdə ona həmyerliləri Mehmet Kulum və Niklas Nyuberq köməklik göstərəcəklər. Dördüncü hakim funksiyasını isə Adam Ladebek yerinə yetirəcək.

Avqustun 3-də Tofiq Bəhramov adına Respublika stadionunda oynanılacaq görüş saat 20.00-da başlayacaq. Cavab matçı avqustun 9-da Budapeştdə olacaq.