“Qarabağ”ın meydanında da sərfəli nəticə əldə etdik" - "Ferentsvaroş"un sabiq üzvü
“Ferentsvaroş”un keçmiş futbolçusu və məşqçisi Jozef Dzurjak Çempionlar Liqasının 3-cü təsnifat mərhələsinin "Qarabağ"la oynanılacaq cavabı matçı ilə bağlı danışıb.
Football-plus.az xəbər verir ki, Macarıstan təmsilçisinin 2-ci raundda Slovakiya çempionu “Slovan” üzəridə 4:1 hesablı qələbəsinə qiymət verən 60 yaşlı mütəxəssis “Qarabağ” önündə şanslarını da dəyərləndirib:
“Ferentsvaroş”un “Slovan”la cavab oyununu izlədim. Təmsilçimiz böyük uğur qazandı. Slovakiya çempionu yaxşı komanda idi. Onları məğlub edərək mərhələ adlamaq böyük işdi. Düşünürəm ki, “Qarabağ”ın meydanında da sərfəli nəticə əldə etdik. Evdə onları məğlub edərək turnirdə irəliləyəcəyimizə inanıram. Hədəf Çempionlar Liqasının qrupuna düşməkdi”.
Qeyd edək ki, bu gün Budapeştdə keçiriləcək “Ferensvaroş” – “Qarabağ” oyunu Bakı vaxtı ilə saat 22.00-da başlayacaq. Tofiq Bəhramov adına Respublika Stadionundakı ilk görüşdə 1:1 hesabı qeydə alınıb.
