“Budapeştdə “Ferentsvaroş”la “Qarabağ” münasibətləri aydınlaşdırdı. Qonaqlar çəkinmədilər və artıq ilk dəqiqələrdə təhlükəli vəziyyət yaratdılar – Dibus Kadi Borjesin cərimə meydançası xaricindən vurduğu zərbənin öhdəsindən çətinliklə gəldi. Meydan sahiblərinin hücumları 29-cu dəqiqədə nəticə verdi. Makretski sağ cinahdan gözəl asma etdi, Varqa isə topu qapının küncünə göndərdi. Jozef fasilə ərəfəsində fərqi artıra bilərdi – Koxalski komandasını xilas etdi. “Qarabağ” 2-ci hissənin əvvəlində hesabı bərabərləşdirdi. Yerlə zərbə vuran Yankoviç qapıçını işsiz qoydu. Ardından qonaqlar hətta irəli də çıxdı. Kadinin künc zərbəsindən asmasından sonra top Medinanın önünə düşdü, o isə tirin altına qarşısıalınmaz zərbə vurdu. Hadisələrin belə axarından narazı olan “yaşıl qartallar” bir neçə yaxşı hücum qurdu. Qonaqlar Musa Qurbanlını meydana buraxmaqla hücumu canlandırdı. Və məhz o, Kadidən ötürmə alıb topu qapının yaxın küncünə göndərdi. “Qarabağ” cavab görüşü ərəfəsində 2 topluq üstünlüyə malikdi”.