“Qarabağ”ın “Ferensvaroş”la dueli Rusiya mətbuatının da gündəmindədi. Rusiya millisinin əslən azərbaycanlı sabiq yarımmüdafiəçisi Aleksandr Səmədov Ağdam klubunun ilk matçı evdə keçirməsinə baxmayaraq favorit olmadığını deyib: "Qarabağ" - "Ferentsvaroş" cütündə favorit görmürəm. İlk matçın Azərbaycanda keçirilməsi heç nəyi dəyişmir. Axı onlar cavab görüşünü səfərdə oynayacaq".
Rusiya millisinin sabiq baş məşqçisi Anatoli Bışovets Stanislav Çerçesovu Slovakiyada "Slovan" üzərində qazanılan 4:1 hesablı qələbə münasibətilə təbrik edib: “Ferentsvaroş”un əla qələbəsi həm də Macarıstan çempionatının səviyyəsindən xəbər verir. Sonrakı uğur yalnız rəqibdən asılı olacaq. Ancaq Stanislav Salamoviçə birmənalı təbrik düşür! “Qarabağ” onun komandası üçün çox münasib rəqibdi. Çerçesova uğurlar arzulaya bilərik”.