O vaxtdan bəri Zaur Ramazanovun AFFA-nın binasına yollanması, orda rəhbər şəxslərlə görüşüb məsələylə bağlı detalları müzakirə etməsi gözlənilir. Ancaq Zaur bəyin yolu hələ də federasiyaya düşməyib.
Bu barədə “Football-plus.az” veteran futbolçunun özü məlumat verdi. Əlavə etdi ki, görüş bu həftə baş tutacaq. Ancaq hansı gün olacağı dəqiq deyil.
Bu arada yaxın günlərdə “Xəzər Lənkəran”la “Neftçi”nin veteran futbolçularının iştirakıyla yoldaşlıq oyununun keçirilməsi planlaşdırılır. Matçın təşəbbüskarları Alimlə Zaurdu. Görüş cənub təmsilçisinin 2006/07 mövsümündə qazandığı ilk çempionluğun 20 illik yubileyinə həsr olunacaq və Lənkəran şəhər stadionunda keçiriləcək. Ramazanovdan bu haqda da bilgi almağa çalışdıq:
“Bu yöndə işlər davam edir. Hələ ki heyətlər dəqiq müəyyənləşməyib. Matçın tarixinə gəlincə, hamı üçün uyğun vaxt olmalıdı. Bu səbəbdən hələ dəqiq nəsə yoxdu”.
KƏNAN BAHADIR
