Mahir Almaniyaya yollandı, sabah məşqlərə başlayacaq! - başqa klubla anlaşıb?
"Kayzerslautern"in şərəfini qoruyan Mahir Emrelinin Türkiyədə istirahətdə olduğunu yazmışdıq. Baş məşqçi Torsten Liberknext milli üzvlərinə əlavə bir həftə istirahət şansı tanıdığından hücumçu qardaş ölkədə qalmışdı.
Ancaq o, artıq bu gün Almaniyaya yollanıb. Bu barədə "Football-plus.az"a futbolçunun anası Elnurə Emreli məlumat verib. Əlavə edib ki, Mahir sabahdan etibarən komandayla birgə məşqlərə başlayacaq. Elnurə xanım həm də hücumçunun hələ başqa klubla anlaşmadığını bildirib.
Xatırladaq ki, Mahirin "qırmızı iblislər"lə müqaviləsi 2028-ci ilin yayında başa çatacaq.
KƏNAN BAHADIR
Digər xəbərlər
