“Dərk etməlidilər ki, hələ hər şey bitməyib” – “Ferentsvaroş” “Qarabağ”ı darmadağın etmək istəyir
“Ferentsvaroş”un futbolçusu Jombor Qruber komandasının Çempionlar Liqasının əsas mərhələsinə vəsiqə qazanacağına inanır.
“Football-plus.az” xəbər verir ki, o, həm “yaşıl qartallar”ın pley-offun ilk oyununda “Qarabağ”a uduzmasını şərh edib, həm də səfərdə hesabı erkən açmağa çalışacaqlarını deyib:
“Üçüncü qola mane ola bilərdik. Amma həmin ərəfədə hesabı bərabərləşdirməyə çalışdığımızdan müdafiə xəttimizdə boşluq var idi. Hədəf çox çətindi. Bakıda azı üç top fərqiylə qələbə qazanmaq üçün hər şeyimizi ortaya qoymalıyıq. İlk dəqiqələrdə hesabı açmalıyıq ki, hücum etməyə məcbur olub bizim etdiyimiz səhvlərə yol versinlər. “Qarabağ”ın futbolçularının sevinci? Onlar çox təkəbbürlüdü. Dərk etməlidilər ki, hələ hər şey bitməyib. Uğura acıq. Əsas mərhələyə vəsiqə qazanmaq istəyirik. “Qarabağ”dan daha yaxşı olduğumuzu göstərməliyik”.
KƏNAN BAHADIR
Digər xəbərlər
