“Tofiq müəllimə dəfələrlə meydanda yardımçı olmuşam. 1975-ci ildə - 30 yaşımda hakimliyə başladım. Həmin dönəmdə hakimlikdə çox dəyişiklik oldu. Nə qədər azərbaycanlı varsa, hakimliyə dəvət etdik. Mənə deyirdi ki, mən gedəndən sonra Hakimlər Komitəsinin sədri olarsan. Mən də cavab verdim ki, bu vəzifəni istəmirəm. Azərbaycanlıları yetişdirmək lazım idi. Vaqif Davudov, Gülağa Cabbarov və Tahir Süleymanovu yetişdirdim. Tahir Süleymanovu Kişinyovda gördüm. Dedim ki, sənin boyun-buxunun var, gəl hakimlik et. O da sözümə qulaq asdı və sonda beynəlxalq dərəcəli hakim oldu. Kərim Ağayevin oğluna da dəstək olmuşam. İndi heç yada da düşmürəm”.