“Zubirin qərarı daha vacibdi” – Zubir “Qarabağ”dan ayrılır?
“Qarabağ”ın fransalı oyunçusu Abdulla Zubirin müqaviləsinin müddəti bu ayın sonunda başa çatır.
“Football-plus.az” xəbər verir ki, Qurban Qurbanov da kubokun final matçınan sonra “CBC Sport”a verdiyi açıqlamada oyunçuyla danışıqlar aparıldığını, lakin hələlik qəti bir qərar olmadığını bildirdi. Eyni zamanda çalışdırıcı futbolçunun komandada qalmasını istədiyini də dedi. Bəs, Zubirin komandada qalması, yoxsa getməsi daha realdı? Təcrübəli menecer Tural Əsgərov mövzunu belə şərh etdi:
“Danışıqların aparıldığını demək olar. İndiki vaxtda Zubirin qərarı daha vacibdi. O, hələ ki heç bir qərar verməyib. Ancaq istənilən qərarı verə bilər. Yaxın günlərdə də buna aydınlıq gələcək”.
Xatırladaq ki, fransalı yarımmüdafiəçi 2018-ci ildən “köhlən atlar”ın heyətində çıxış edir.
KAMAL SƏFƏR
Digər xəbərlər
