“Rüstəm bəyin gedişi bizim üçün gözlənilməz oldu. Ona yeni müqavilə təklif etdik, lakin qəbul etmədi. Daha iddialı komandada çalışmaq istəyir, hədəfləri var. “Zaqatala” isə arzuolunan durumda deyil. Hazırda yeni məşqçi axtarışındayıq. Hələ konkret namizəd yoxdu. Bəlkə yeni baş məşqçi tanıdığı futbolçuları da komandaya çağıra bilər. Sponsor yoxdu, yalnız AFFA-dan gələn vəsait var ki, həmin məbləğ problemləri qismən həll edir. Avqustun 1-dən Zaqatalada futbola həvəsi olan gənclər üçün elan yaymışıq. Gələnlər var, baxışdan keçirlər. Düzü, 1-ci liqa səviyyəsində deyillər. Ancaq bu gün başqa çarə yoxdu. Bununla belə, hamı üçün qidalanma, yer və s. kimi məsələlər həll olunmalıdı. Müqaviləmiz olan futbolçularla da danışıq aparmışıq. Oyunçulara vəziyyəti izah etmişik, onlardan xəbər gözləyirik. Demişik ki, fərdi məşqlər etsinlər. Açığı, “Zaqatala”nın fəaliyyətini davam etdirməsi üçün böyük fədakarlıq lazımdı. Sıravi işçilərdən rəhbər şəxslərə qədər hamı həddən artıq əziyyət çəkməlidi. Ancaq bu da bir yerə kimi olur. Hər kəsi başa düşürük”.

“Bəli, Tural Piriyev hər şeyi bilir. Fürsətdən istifadə edib onlara təşəkkür edirəm. Bizə çox kömək ediblər. Əvvəlki mövsümlərdə yardım etməsələr, çoxdan bu vəziyyətə düşəcəkdik. Təəssüf ki, hazırda problemlər həllini tapa bilmir. Ancaq nəyin bahasına olur-olsun, 1-ci liqada çıxış edəcəyik”.