Abdulla Zubirin mövsümün sonunda “Qarabağ”dan ayrılmaq ehtimalı artır.

“Football-plus.az” xəbər verir ki, bu barədə “lequipe.fr” saytı məlumat yayıb.

Fransa nəşrinin iddiasına görə, yarımmüdafiəçi “Auqsburq” (Almaniya) və “Seltik”in (Şotlaniya) diqqət mərkəzindədi. Hətta adı çəkilən klublar futbolçunun transferiylə bağlı “Qarabağ”a müraciət edib. Lakin Ağdam təmsilçisi Avropa Liqasında yoluna davam etdiyini əsas gətirərək təklifi geri çevirib. Bildirilib ki, məsələyə yay “transfer pəncərəsi” dönəmində baxıla bilər.

“Lequipe.fr” nəşri bildirir ki, Zubirin istəyi Almaniya və ya Şotlandiya yox, məhz Fransa klublarından birində çıxış etməkdi. Son 6 mövsümün ən məhsuldar fransalı futbolçuları siyahısında 10-cu sırada olan oyunçu karyerasına məhz vətənində davam etmək istəyir. Üstəlik adı açıqlanmayan Fransa klublarından biri onun xidmətində maraqlıdı.

KƏNAN BAHADIR