“Azarkeşlər üçün maraqlı oyun olacaq. Çünki “Qarabağ”ın Avropa Liqasında mərhələ keçməsi xoş oldu. “Neftçi”ilə oyunda azarkeşlik baxımından əsl futbol ab-havası olacağı gözlənilir. “Qarabağ”ın 4 gün sonra “Bayer-04”lə oyunu var. Məncə, çempion əsas heyətlə oynayacaq. Bəlkə zədə problemindən qorxa bilərlər. Bu baxımdan bir qədər ehtiyatlı olmağa məcburdular. Amma düşünürəm ki, Qurban Qurbanov əsas heyyəti meydana buraxacaq. “Neftçi”də Mutunun gedişindən sonra o qədər də böyük fərq yoxdu. Çünki bu qısa zaman kəsiyində nəyisə dəyişmək çətindi. Bojoviçin də oyunçu seçimi geniş deyil ki, istədiyi futbolçu ilə istədiyi oyun üslubunu ortaya qoysun. Bu gün “ağ-qaralar”ın qələbə qazanması çox çətindi. Qurban Qurbanov əsas heyyətlə oynasa da, 70 dəqiqədən sonra açar oyunçularını meydandan çıxarmaq məcburiyyətində qalacaq. Belə durum “Neftçi”nin işinə yaraya bilər. “Qarabağ” 21 xal öndədi. Digər komandalar üçün bu fərqi aradan qaldırmaq çox çətin görünür. Bu xal fərqinin yaratdığı rahatlığa görə “Neftçi” heç-heçə edə bilər”.

“Futbolda hər şey baş verə bilər. Reallıq onu göstərir ki, "Neftçi" bu gün nümayiş etdirdiyi futbolla liderə qalib gələ bilməz. Heç-heçə edib bir xal qazana bilər. "Qarabağ"ın heyətindən asılı olmayaraq, 70-in 30-a nisbətində üstünlüyü var”.