“Oyun "Qarabağ" üçün çox vacib olacaq . Konfrans Liqasının "Gent"lə uğursuz qarşılaşmasından sonra "Neftçi" ilə matç geridönüş, öz statusunun təsdiqlənməsi kimi əhəmiyyət daşıyır. "Qarabağ"ın “Gent"lə Bakıda oynayan heyətə daha çox üstünlük verəcəyini düşünürəm. Çünki ev matçı daha baxımlı alınmışdı.

"Neftçi" üçün isə çempionluq artıq əldən çıxıb. Lakin "Sabah"ın Şamaxıda gözlənilməz məğlubiyyəti “ağ-qaralar” üçün gümüş medal şanslarının artmasıdı. "Neftçi"nin bu şansdan yararlana bilməsi baş məşqçinin komandanı görüşə hansı motivatsiya ilə hazırlamasından asılı olacaq. Əvvəlki oyunlara baxanda "Qarabağ"ın bütün oyun komponentlərində "Neftçi"ni üstələdiyini deyə bilərik. Bununla belə, günümüzün futbolu surprizlərlə doludu.

Ağdamlıların yeni legionerlərinin oyundan-oyuna daha yaxşı formaya düşdüklərini də görürük. Düşünürəm ki, "Neftçi" ilə matçda çox istəkli və aqressiv “Qarabağ" görəcəyik”.