Məlum olduğu kimi, "Sabah" bu gün Çempionlar Liqasının 3-cü təsnifat mərhələsinin cavab oyununda "Orhus"u qəbul edəcək. "Bayquşlar" Danimarka çempionunu mübarizədən kənarlaşdıracağı təqdirdə tarixində ilk dəfə həm ən mötəbər klub turnirinin pley-offuna, həm də Avropa Liqasının liqa mərhələsinə vəsiqə qazanacaq.

Belə önəmli matça marağın böyük olacağı bəlli idi. Gözləntilər özünü doğrultdu. Artıq oyun üçün satışa çıxarılan 8700 biletin hamısı satılıb! Bu barədə "Football-plus.az"a "Sabah"ın mətbuat xidmətinin rəhbəri Elnur Həmidov məlumat verib.

Xatırladaq ki, "Bank Respublika Arena"da keçiriləcək oyun saat 20.00-da başlayacaq. İlk oyunda Danimarka çempionu qələbə qazanıb (2:1).

KƏNAN BAHADIR