"Qarabağ" - "Neftçi" matçı həmişə böyük maraq kəsb edib. Hamı bu görüşü gözləyir. Düşünürəm ki, maraqlı oyun olacaq. Ağdamlılar qarşılaşmaya lider olaraq çıxacaq. "Ağ-qaralar"a isə xallar lazımdı ki, əsas rəqiblərindən çox uzaq qalmasın. "Sabah"ın büdrəməsi "Neftçi" üçün böyük motivasiyadı. Bu xal fərqini aradan qaldırmaq, 2-ci pilləyə yüksəlmək və çempionluq mübarizəsinə qoşulmaq üçün paytaxt təmsilçisinə qələbə çox vacibdi. "Gent"lə oyundan sonra "Qarabağ"ın düşərgəsində məyusluq var. Bu da başadüşüləndi. Fikrimcə, ağdamlılar illərdi bu tempdə oynayır və çempionata köklənməyi çox yaxşı bacarır. Dəfələrlə şahidi olmuşuq ki, avrokubok matçından sonra fərqli heyətlə meydana çıxıb qələbə qazanıblar. Məncə, "Qarabağ"ın fərqli heyətlə meydana çıxması "Neftçi" üçün üstünlük deyil. "Ağ-qaralar" ancaq özünə güvənməli, oyun üslubu ilə ağdamlıları devirməyi bacarmalıdı. Nə qədər alınacağını zaman göstərəcək. "Qarabağ"ın matça nə dərəcədə köklənəcəyi də sual doğurur. Çünki futbolçular 120 dəqiqə meydanda olublar. Həmçinin komandada bəzi itkilər var. Marko Yankoviçlə Şahruddin Məhəmmədəliyev zədəlidi. Bu, oyuna təsir göstərə bilər. Amma ağdamlıların heyətində bu boşluqları doldura biləcək oyunçular var. İnanmıram ki, "Neftçi" "Qarabağ"ın psixoloji düşüşündən istifadə edə bilsin. Maraqlı görüş olacaq".